Friday, September 10, 2010

အလုပ်သမား ၁၀၀၀ ကျော် ဆက်တိုက် ဆန္ဒပြ

ထိုင်းနိုင်ငံ မြောက်ပိုင်း Khon Kaen မြို့ရှိ Dechapanich ငါးဖမ်းပိုက်ကွန် စက်ရုံတွင် အလုပ်ရှင်က အလုပ်သမားများ အပေါ် မတရားမှုများ ရှိနေသဖြင့် မြန်မာ အလုပ်သမား ၁၀၀၀ ကျော်တို့ ၃ ရက်ဆက်တိုက် ဆန္ဒပြနေကြောင်း သတင်းရရှိသည်။

Khon-Kaen-Strike
၃ရက်ဆက်တိုက် ဆန္ဒပြနေကြသည့် ပိုက်ကွန်စက်ရုံမှ အလုပ်သမားများ (ဓာတ်ပုံ - ဧရာဝတီ)
အလုပ်သမားများမှာ စက်တင်ဘာ ၈ ရက်နေ့ ကတည်းက ဆန္ဒပြနေ ကြခြင်း ဖြစ်ပြီး ယင်းတို့၏ တောင်းဆိုချက်များ မရမချင်း ဆက်လက် ဆန္ဒပြ တောင်းဆို သွားမည်ဟု ဆုံးဖြတ် ထားကြောင်း အလုပ်သမားများက ဆိုသည်။

အလုပ်သမားများ၏ တောင်းဆိုချက်များမှာ ယာယီ နိုင်ငံကူး စာအုပ်များကို အလုပ်သမားများ လက်သို့ ပြန်ပေးရေး၊  အလုပ်ထုတ် ခံထားရသူ အလုပ်သမား ၆ ဦး၏ ယာယီနိုင်ငံကူး စာအုပ်များကို မူရင်းအစစ် အမှန်အတိုင်း အလုပ်ရှင်က ပြန်လည် ပြုလုပ်ပေးရေး၊ လုပ်ငန်းခွင် ထိခိုက်မှုများ အတွက် နစ်နာကြေးများ ရရှိရေးနှင့် အလုပ်သမား အခွင့်အရေး အပြည့်အ၀ ရရှိရေး၊ စက်ရုံတွင်းရှိ အကြွေးစနစ်ဖြင့် ရောင်းချသောဆိုင်များတွင် ဆန္ဒပြ အလုပ်သမားများကိုလည်း ၀ယ်ယူခွင့် ပေးရေးတို့ ဖြစ်ကြောင်း သိရသည်။

အလုပ်ရှင်က ဆန္ဒပြနေသူများထဲမှ မြန်မာပြည်ပြန်လိုသူများ လက်မှတ်ထိုးကာ ပြန်နိုင်သည်ဟု ယနေ့နံနက်ပိုင်းက ပြောသည်ဟု သိရသည်။

အလုပ်သမားများ ဆန္ဒပြခြင်းမှာ မြန်မာပြည်သို့ပြန်လို၍ မဟုတ်ကြောင်း၊ အလုပ်သမားများ အပေါ်တွင် မတရားမှုများ ရှိနေခြင်းကို မကျေနပ်၍ ဆန္ဒပြခြင်းဖြစ်ကြောင်း အဆိုပါ စက်ရုံမှ အလုပ်သမား ခေါင်းဆောင်တဦးက ဧရာဝတီသို့ ပြောသည်။

စက်တင်ဘာလ ၇ ရက်နေ့က လုပ်သက် ၁ နှစ်ခန့် ရှိနေပြီဖြစ်သော မြန်မာ အလုပ်သမား ၆ ဦးကို အလုပ်ပျက်ရက်များ ရှိသည်ဟု ဆို၍ အလုပ်မှ ထုတ်ပစ်ခဲ့ပြီး ထိုအလုပ်သမားများ၏ ယာယီနိုင်ငံကူးလက်မှတ်များ၊ အလုပ်သမားကတ်များကို ပြန်လည်ထုတ်ပေးခဲ့သည်။ သို့ရာတွင် အဆိုပါလက်မှတ်များပေါ်မှ ဓာတ်ပုံများကို အလုပ်ရှင်က လဲကပ်ထားခြင်း၊ နိုင်ငံကူး စာအုပ်ထဲ တွင်လည်း အလုပ်ရှင် ရေးသားခွင့်မရှိသည့် “Canceled” ဟူသည့် စာကို ရေးသားထားခြင်းများ ပြုလုပ်ခဲ့သဖြင့် မဲဆောက်သို့ ပြန်လာသော ယင်းအလုပ်သမား ၆ ယောက်ကို ရဲက စစ်ဆေးတွေ့ရှိရာမှ ယခုပြဿနာ စတင်လာခဲ့ကြောင်း သိရသည်။

“အလုပ်ရှင်က အလုပ်သမား ကတ်တွေပေါ်က ဓာတ်ပုံတွေကို ခွာပြီး မိန်းကလေးကတ်မှာ ယောက်ျားလေးပုံကို ကပ်လိုကပ်၊ ယောက်ျားလေး ကတ်မှာကျတော့ မိန်းကလေးပုံကို ကပ်လိုကပ်နဲ့ ဒီလိုလုပ်တာကို ကျနော်တို့ မကျေနပ်ဘူး” ဟု ဆန္ဒပြ အလုပ်သမား ခေါင်းဆောင် တဦးဖြစ်သူ ကိုမြင့်မောင်က ပြောသည်။

အလုပ်ထုတ်ခံရသူ ၆ ဦးမှာ ကိုသီဟထွန်း၊ ကိုအောင်ကျော်ဆန်း၊ ကိုအောင်သီဟ၊ ကိုဇင်လင်းအောင်၊ မအိသဲဖြူနှင့် မထွေးငယ်တို့ ဖြစ်သည်။

ထိုင်းနိုင်ငံ အခြေစိုက် ရောင်ခြည်ဦး အလုပ်သမားအဖွဲ့ ခေါင်းဆောင် ကိုမိုးဆွေက “အလုပ်သမား ၆ ဦးကို အလုပ်ထုတ်တဲ့ ပြဿနာနောက်မှာ ကျန်တဲ့အလုပ်သမားတွေက ငါတို့လည်း ဒီလိုလုပ်ထားရင် ဘယ့်နှယ်လုပ်မလဲဆိုပြီး စိုးရိမ်တာတွေ ရှိလာတယ်။ ယာယီနိုင်ငံကူးလက်မှတ်လုပ်တုန်းက ဒီနိုင်ငံကူးလက်မှတ်ရှိရင် ထိုင်းတနိုင်ငံလုံးကို လွတ်လွတ်လပ်လပ် သွားလာခွင့် ရှိတယ်လို့ ပါတယ်လေ။ ဒါကြောင့် အခုလို ထောင်နဲ့ ချီတဲ့အလုပ်သမားတွေက သပိတ်မှောက်ကြတာ” ဟု ပြောသည်။

အဆိုပါ စက်ရုံမှ အလုပ်သမားများ၏ ဆန္ဒပြ သပိတ်မှောက်မှု အရေးအခင်းတွင် ထိုင်းနိုင်ငံအခြေစိုက် အလုပ်သမားအရေးများ ဆောင်ရွက်ပေးနေသည့် MAP Foundation က ကြားဝင် ကူညီဆောင်ရွက်ပေးရန် ကြိုးစားနေသော်လည်း အလုပ်ရှင်ဘက်က  အလျှော့ပေးမည့် အနေအထား မရှိသကဲ့သို့ အလုပ်သမားများ ဘက်ကလည်း နောက်ဆုတ်မည့် အနေအထား မရှိသဖြင့် စိုးရိမ်ရဖွယ် အခြေအနေရှိနေကြောင်း၊ ထိုသို့ စိုးရိမ်ရသောကြောင့် အရေးကြီးသော ဌာနများသို့ စာများပို့ကာ တောင်းဆိုမှုများ ပြုလုပ်ထားကြောင်း MAP မှ Women Exchange Coordinatorမမိုင်က ဆိုသည်။

“MAP အနေနဲ့ လောလောဆယ် လုပ်ပေးနိုင်တာကတော့ အလုပ်သမားတွေအနေနဲ့ လုံလုံခြုံခြုံ နေရဖို့ ဖြစ်ပါတယ်။ ဒါကြောင့် ထိုင်းနိုင်ငံ အလုပ်သမားများ စီမံခန့်ခွဲရေးရုံး၊ ရဲမှူးချုပ်၊ အမှတ် ၄ ဒေသ ရဲမှူးကြီး စတဲ့ အရေးကြီးတဲ့ ဌာနတွေကို ဒီအလုပ်သမားတွေနဲ့ ပတ်သက်လို့ အခြေအနေကို အသေးစိပ် ရေးသားပြီး ဒီနေ့ပဲ တင်ပြပေးထားပါတယ်” ဟု မမိုင်က ပြောသည်။

MAP Foundation က ပေးပို့သော စာတွင် အလုပ်သမားများအား မြန်မာပြည် ပြန်မပို့ရန်၊ မှန်ကန်သည့် အဖြစ်မှန်များအား ဖော်ထုတ်ပေးရန်နှင့် တရားဥပဒေအတိုင်း ကူညီဆောင်ရွက်ပေးရန် ဟူသော အချက်သုံးချက် ပါဝင်သည်ဟု သိရသည်။

“အလုပ်သမားတွေကို ပြန်ပို့တဲ့အခါ နိုင်ငံကူးစာအုပ်တွေကို အလုပ်သမားတွေ လက်ထဲမှာ မထည့်ပေးဘဲ နယ်စပ်ရောက်မှ ပြန်ပေးမယ်လို့လည်း ကြားနေရတယ်။ အကယ်၍ နယ်စပ်ရောက်မှ စာအုပ်တွေက အတုဖြစ်နေရင်၊ အလွဲအမှားတွေ ဖြစ်နေရင် အလုပ်သမားတွေ ဒီထက် ပိုပြီး ဒုက္ခရောက်ကြမယ်။ လောလောဆယ် အလုပ်ရှင်က အလုပ်မဆင်းရင် ပြန်ပို့မယ် ဆိုပြီး ခြိမ်းခြောက်နေပါတယ်” ဟုလည်း မမိုင်က ပြောသည်။

ယခင်က အစားအသောက်များကို အကြွေးစနစ်ဖြင့် ရောင်းချပေးသော်လည်း ဆန္ဒပြပြီးနောက် ယင်းသို့ ရောင်းချမှု မပြုတော့ သဖြင့် အလုပ်သမားများအနေနှင့် အခက်အခဲများ စတင်ကြုံတွေ့လာနေရကြောင်းလည်း ကြားသိရသည်။ 

ယာယီနိုင်ငံသားလက်မှတ်နှင့် အလုပ်သမားလက်မှတ်များမှာ အလုပ်သမားများ၏ လက်ဝယ်တွင်သာ ရှိစေရမည်ဟု ဥပဒေ ရှိသော်လည်း အလုပ်ရှင်များက သိမ်းဆည်းထားလေ့ရှိသဖြင့် အလုပ်ရှင်နှင့် အလုပ်သမားများကြားတွင် မကြာခဏ ပြဿနာတက်ကြရသည်။

ထိုင်းနိုင်ငံအတွင်း လာရောက် အလုပ်လုပ်နေကြသော မြန်မာရွှေ့ပြောင်းအလုပ်သမား အနည်းဆုံး ၂ သန်းခွဲမှ ၄ သန်းအထိ ရှိနိုင်ကြောင်း အလုပ်သမားအဖွဲ့ များ၏ အဆိုအရ သိရသည်။

ဘစောတင်

Thursday, September 9, 2010

ပတ်စပို့ အစစ်နှင့်အတုလဲသောကြောင့် စက်ရုံလုပ်သားများ ဆန္ဒပြ

အလုပ်မှအထုတ်ခံရသော မြန်မာရွှေ့ပြောင်းအလုပ်သမား (၆) ဦးတို့က ၎င်းတို့၏ ယာယီပတ်စပို့များနှင့် အလုပ်သမားကတ်ကို ပြန်လည်တောင်းခံသောအခါ နဂိုမူလစာအုပ်များ မဟုတ်သဖြင့် အလုပ်သမားများက မကျေနပ်ဘဲ ဆန္ဒပြတောင်းဆိုမှုတခု ယမန်နေ့မှစတင်၍ ထိုင်းနိုင်ငံ မြောက်ပိုင်း ခွန်ခန်းမြို့ရှိ Dechapanich ငါးဖမ်းပိုက်ကွန် စက်ရုံတွင် ဖြစ်ပွားနေသည်။

ပြီးခဲ့သည့် အင်္ဂါနေ့ညနေက ကိုအောင်သီဟ၊ ကိုအောင်ကျော်ဆန်း၊ ကိုသီဟထွန်း၊ မအိသဲဖြူ၊ မထွေးငယ်နှင့် ကိုဇင်လင်းအောင်တို့ အလုပ်သမား (၆) ဦးအား အလုပ်ပျက်ရက်များသည်ဟုဆိုကာ အလုပ်မှထုတ်ပယ်ကြောင်း စက်ရုံတာဝန်ရှိသူတို့က တရားဝင်စာထုတ်ကြေညာခဲ့သည်။

သို့အတွက် အဆိုပါအလုပ်သမားများက ယမန်နေ့နံနက် (၁၁) နာရီခန့်က မိမိတို့၏ တရားဝင် ယာယီနိုင်ငံကူးလက်မှတ်များ ပြန်တောင်းရာမှစတင်၍ မမှန်မကန်လုပ်ဆောင်ထားမှုများကိုတွေ့ရှိ၍ အလုပ်သမားထုက ဆန္ဒပြရခြင်းဖြစ်ကြောင်း ဦးဆောင်သူတဦးဖြစ်သည့် ကိုသူရိန်က ပြောကြားသည်။

၎င်းက “သူတို့ပြန်ပေးတဲ့ ဟာတွေမှာ ပတ်စပို့ ဗီဇာကို cancel ဆိုပြီး မင်နီနဲ့ရေးထားတယ်။ လေဘာကတ်ကိုလည်း မိန်းကလေး နာမည်နဲ့ကတ်မှာ ယောက်ျားလေးပုံ ကပ်လို့ကပ်၊ ပြီးတော့ ကိုယ့်ဟာနဲ့ကိုယ်မဟုတ်ဘူး” ဟု ခေတ်ပြိုင်သို့ပြောသည်။

ဆန္ဒပြမှုနှင့်ပတ်သက်၍ အလုပ်သမ မငြိမ်းက “မနေ့ည (၈) နာရီလောက်ကြတော့ ခေါင်းဆောင်တဲ့ သူတွေက ပြောတယ်။ ကိုယ့်အဆောင်ကို ကိုယ်ပြန်နားချင်ရင်လည်း နားကြပါလို့ပြောတော့ လူနည်းနည်းကျဲသွားတယ်။ ဒါပေမယ့် ည (၉) နာရီ လောက်ကြတော့ အားလုံး ပြန်လာပြီးစုကြတယ်။ ဒီမှာက ဓမ္မာရုံလိုဟာမျိုးရှိတယ်။ အဲဒီမှာ မိန်းကလေးတွေက စုအိပ်တဲ့သူက စုအိပ်ပေါ့။ ဘာလို့ဆို အဆောင်မှာနေရင် လာဖမ်းမှာ စိုးရတယ်လေ။ ဒီနေ့တော့ ညှိတဲ့သူတွေ လာညှိနှိုင်းပေးနေတယ်” ဟု ဆိုသည်။

ထိုသို့ဆန္ဒပြမှုအတွက် ကြားဝင်ဆောင်ရွက်ပေးရန် အလုပ်သမားရေးအဖွဲ့များအား အကူအညီတောင်းခံထားရာ ယနေ့နေ့လယ်တွင် (MAP) ဖောင်ဒေးရှင်းအဖွဲ့မှ အဆိုပါစက်ရုံသို့ ရောက်ရှိကာ လိုအပ်သော ဆွေးနွေးမှုများ ပြုလုပ်ခဲ့သည်။

“အလုပ်သမားကိုယ်စားလှယ် (၅) ယောက်နဲ့ အလုပ်ရှင်ကိုယ်စားလှယ်တွေရယ်၊ (MAP) ဖောင်ဒေးရှင်းက (၂) ယောက်ရယ်၊ အလုပ်သမားရုံးက ကိုယ်စားလှယ်တွေ ညှိနှိုင်းနေပါတယ်” ဟု အဆိုပါကိစ္စကို ကြားဝင်ဆောင်ရွက်ပေးနေသူ ရောင်ခြည်ဦး အလုပ်သမားများအဖွဲ့ တာဝန်ခံ ကိုမိုးဆွေက ပြောသည်။

အလုပ်သမားများဘက်မှ ဘတ်လက်မှတ်ရှိထားသော သူများအတွက်လည်း တောင်းဆိုမှုများ ပြုလုပ်ထားကြောင်း သိရသည်။

ခွန်ခန်းခရိုင်၏ တနေ့ အနည်းဆုံးလုပ်အားခသည် အလုပ်ချိန် (၈) နာရီအတွက် ဘတ်ငွေ (၁၅၇) ဘတ် ရမည်ဖြစ်သော်လည်း အလုပ်သမားများမှာ နေ့စဉ် မနက် (၈) နာရီမှ ည (၈) နာရီအထိ အလုပ်လုပ်ကြရပြီး ပေးအပ်သောနှုန်းထားမှာ ညနေ (၆း၃၀) အထိ ဘတ်ငွေ (၁၄၀) သတ်မှတ်ထားပြီး နောက်ပိုင်းအချိန်ပို (၁) နာရီခွဲအတွက် ဘတ်ငွေ (၃၀) သာ ပေးအပ်သည်။ နေ့လယ်တွင် (၁) နာရီ ထမင်းစားချိန်ရကြသည်။

အဆိုပါစက်ရုံတွင် မြန်မာရွှေ့ပြောင်းအလုပ်သမား (၂,၃၀၀) ခန့်ရှိပြီး လာအိုလူမျိုး (၁,၀၀၀) ခန့်ရှိသည်။

အဆိုပါစက်ရုံသို့ ရောက်ရှိသည့်နေ့မှစကာ အလုပ်သမားများပိုင်ဆိုင်သော လက်မှတ်များကို စက်ရုံမှ သိမ်းဆည်းထားခဲ့ခြင်းဖြစ်သည်။ အလုပ်မှ ထွက်ပြေးသွားသူအချို့၏ ပတ်စပို့များကို ထိုကဲ့သို့ ဓာတ်ပုံကပ်၍ ဘတ်လက်မှတ်သာရှိသေးသော သူများအား ဘတ်ငွေ (၁၄,၀၀၀) မှ (၁၅,၀၀၀) အထိတောင်းယူ၍ ထိုပတ်စပို့များဖြင့် အစားထိုးလုပ်ဆောင်နေသည်ဟုလည်း ကြားရကြောင်း အလုပ်သမားတဦးက ပြောသည်။

အဆိုပါစက်ရုံတွင် ယာယီနိုင်ငံကူးလက်မှတ် မကိုင်ဆောင်ရသေးသော သူများမှာလည်း (၅၀၀) ခန့်ရှိမည်ဟု သိရသည်။

ယနေ့ညနေ့ပိုင်းတွင် လုပ်ငန်းရှင်အား အလုပ်သမားများ၏ ပတ်စပို့စ်နှင့် ဗီဇာများပြသရန် အလုပ်သမားအခွင့်အရေးရုံးက တောင်းဆိုထားကြောင်း၊ သို့သော် အလုပ်ရှင်က အလုပ်သမားများအား (၃) ရက် အချိန်ပေးမည်ဖြစ်ပြီး အဆိုပါကာလအတွင်း အလုပ်ပြန်မဆင်းပါက ဥပဒေအရ အရေးယူမည်ဟု ပြောဆိုကြောင်း သိရှိရသည်။ မနက်ဖြန်တွင်လည်း ဆက်လက်ညှိနှိုင်းရန် သဘောတူထားကြသည်။

မြတ်ခိုင်ဦး

Wednesday, September 8, 2010

မဲဆောက်-မြ၀တီ နယ်စပ်ဂိတ် ပြန်ဖွင့်ရေး ထိုင်းနှင့်မြန်မာ ဆွေးနွေးမည်

မြန်မာဘက်မှ ချစ်ကြည်ရေးတံတား အပါအ၀င် နယ်စပ်ဂိတ်များ အမြန်ဆုံး ပြန်ဖွင့်နိုင်ရေးအတွက် နှစ်နိုင်ငံ အဆင့်မြင့်ခေါင်းဆောင်များသည် မကြာမီဆွေးနွေးမည်ဟု မဲဆောက်မြို့အုပ်ချုပ်ရေး အဖွဲ့ဝင်တဦးက ပြောကြားသည်။

၎င်းက “အခုပြုလုပ်မယ့်အစည်းအဝေးမှာ မြန်မာဘက်က နယ်စပ်ဂိတ်တွေ ပိတ်ထားတဲ့ကိစ္စနဲ့ပတ်သက်ပြီး အမြန်ဆုံးပြန်ဖွင့်နိုင်ဖို့အတွက် အဓိကထား ဆွေးနွေးသွားမှာဖြစ်တယ်” ဟု ပြောသည်။

ယခုလ (၁၃) ရက်နေ့မှ (၁၇) ရက်နေ့အထိ မဲဆောက်တွင် နယ်ခြားကော်မတီအစည်းအဝေး ကျင်းပရန်ရှိကြောင်း၊ သို့သော် ထိုအစည်းအဝေးသို့ မြန်မာဘက်မှ ကိုယ်စားလှယ်များ တက်ရောက်နိုင်ခြင်း ရှိမရှိကိုမူ မသိရှိသေးကြောင်း ၎င်းက ပြောသည်။

အဆိုပါအစည်းအဝေးနှင့်ပတ်သက်၍ နေပြည်တော်စီမံကိန်းသို့ ဆောက်လုပ်ရေးနှင့် အိမ်အလှဆင်ပစ္စည်းများ တင်ပို့သည့် လုပ်ငန်းပိုင်ရှင်က “ဒီကိစ္စ ထိုင်းဘက်မှာ မူတည်ပါတယ်။ မြန်မာဘက်က လိုတာကို လိုက်လျှောလိုက်ရင် ဒီကိစ္စပြီးပြီပေါ့။ မြန်မာဘက်ကလည်း မဖြစ်နိုင်တာ မတောင်းပါဘူး” ဟု ပြောသည်။

ထိုင်းဘက်မှ နှစ်နိုင်ငံနယ်စပ်မျဉ်း သောင်းရင်းမြစ်တွင် ကမ်းထိန်းနံရံတည်ဆောက်ခဲ့သည်ကို ကန့်ကွက်သည့်အနေဖြင့် မြန်မာဘက်က ထိုင်းကုန်ပစ္စည်းတင်သွင်းမှုကို ပြီးခဲ့သည့်ဇူလိုင် (၁၁) ရက်မှ စတင်ကာ ပိတ်ပင်ခဲ့ပြီး ဇူလိုင် (၁၈) ရက်မှ စတင်ကာ လုံခြုံရေးအကြောင်းပြချက်ဖြင့် ထိုင်း-မြန်မာနယ်စပ် မဲဆောက်-မြ၀တီ ကုန်သွယ်ရေးလမ်းကြောရှိ ချစ်ကြည်ရေး တံတားအပါအ၀င် ဆက်စပ်ဂိတ် (၂၀) ခန့်ကို မြန်မာဘက်က ပိတ်ထားခဲ့သည်မှာ ယနေ့တိုင်ဖြစ်သည်။

အဆိုပါဂိတ်များ ပိတ်လိုက်သောကြောင့် ထိုင်း-မြန်မာ နယ်စပ်ကုန်သွယ်ရေး၏ အဓိကလမ်းကြောဖြစ်သည် မဲဆောက်-မြ၀တီလမ်းကြောမှ ကုန်သွယ်မှု ရပ်တန့်ခဲ့သည်။

ထိုင်းနိုင်ငံသည် မြ၀တီလမ်းကြောမှတဆင့် လစဉ်လူသုံးကုန်၊ စားသုံးကုန်နှင့် ဆောက်လုပ်ရေးပစ္စည်းများ၊ လယ်ယာသုံးပစ္စည်းများနှင့် အခြားဆက်စပ်ပစ္စည်းများကို လစဉ် ဘတ်ငွေသန်း (၁,၀၀၀) ဖိုးခန့် မြန်မာဘက်သို့ တင်ပို့လျက်ရှိရာမှ ရပ်တန့်သွားခြင်းဖြစ်သည်။

ထိုင်း-မြန်မာနယ်စပ်ကုန်သွယ်ရေးတွင် မဲဆောက်-မြ၀တီလမ်းသည် ရန်ကုန်မြို့သို့ တရက်ခရီးသာ ရှိသောကြောင့် ကုန်ကျစရိတ်သက်သာပြီး ကုန်သွယ်မှုလွယ်ကူခြင်းကြောင့် အဆိုပါလမ်းကို အသုံးပြုကြခြင်းဖြစ်သည်ဟု ထိုင်းကုန်သည်များက ပြောသည်။

ရဲရင့်

Tuesday, September 7, 2010

ဗိုလ်မှူးကြီးချစ်သူ ကုမ္ပဏီပိုင်ရှင်အနေဖြင့်သာ ဆက်လက်ရပ်တည်သွားဖွယ်ရှိ

တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ)က နယ်ခြားစောင့်တပ်အဖြစ်သို့ သြဂုတ်လအတွင်း အသွင်ပြောင်းလဲခဲ့ပြီးနောက်ပိုင်း ယခင် (၉၉၉)တပ်မဟာမှ ဗျူဟာမှူးဖြစ်သူ ဗိုလ်မှူးကြီးစောချစ်သူသည် စီးပွားရေးလုပ်ငန်း ကုမ္ပဏီပိုင်ရှင်တဦးအနေဖြင့်သာ ဆက်လက် ရပ်တည်တော့မည်ဖြစ်ကြောင်း ဝေဖန်ပြောဆိုနေကြသည်။
နယ်ခြားစောင့်တပ်နှင့် နီးစပ်သူတဦးက “ဗိုလ်ချစ်သူက နယ်ခြားစောင့်တပ်လည်း မလုပ်ဘူး။ သူက ကုမ္ပဏီပိုင်ရှင်လိုလို လုပ် နေတယ်။ အခုဆို ကမ်းနားမှာရှိတဲ့ ကိုးသုံးလုံးဂိတ်ဟာ ကုမ္ပဏီဂိတ်ပုံစံမျိုးနဲ့ ပြောင်းသွားပြီ။ ဒီကုမ္ပဏီက ဗိုလ်ချစ်သူနဲ့ ဆက် စပ်တယ်လေ။”ဟု ကေအိုင်စီကို ပြောသည်။
အဆိုပါ ကုမ္ပဏီကို “ချစ်လင်းမြိုင်ကုမ္ပဏီ”ဟု အမည်ပေးထားပြီး မည်သည့်ကုမ္ပဏီ အမျိုးအစားဖြစ်သည်ကိုမူ အတိအကျ မသိရှိရသေးပေ။
သို့သော် လာမည့် ရွေးကောက်ပွဲလွန်ကာလတွင် ဥပဒေဘောင်အတွင်းမှ လုပ်ကိုင်နိုင်ရန်အတွက် ကြိုတင်စီစဉ်ကာ တည် ထောင်ထားခြင်းဖြစ်နိုင်သည်ဟု ဝေဖန်နေသူများရှိသလို ယင်းကုမ္ပဏီသည် နယ်ခြားစောင့်တပ် အမည်ခံထားသည့် ကုမ္ပဏီ တခုဖြစ်သောကြောင့် ဗိုလ်ချစ်သူအနေဖြင့် ၎င်း၏ တပ်မှူးတပ်သားများကို စွန့်လွှတ်လိမ့်မည် မဟုတ်ကြောင်း သုံးသပ်မှုများ ရှိ သည်။
နယ်ခြားစောင့်တပ်ကို လက်မခံသည့် ဒီကေဘီအေ တပ်မဟာ(၅)မှ တပ်မှူးတဦးက “ကုမ္ပဏီပိုင်ရှင်တစ်ဦးအနေနဲ့ ရပ်တည် သွားမယ်ဆိုပေမယ့် သူ့လူတွေကိုတော့ ချန်ထားမယ် မထင်ပါဘူး။ သူ့လူမျိုးတွေကိုလည်း လုံးဝ ချန်ထားလို့မရပါဘူး။ သူ့ တပည့်တွေကို ကွပ်ကဲလမ်းညွှန်မှုတွေ လုပ်ဆောင်သွားအုံးမှာပါ။”ဟု သုံးသပ်ပြောဆိုသည်။
ဗိုလ်ချစ်သူသည် ယမန်နှစ် စက်တင်ဘာလက ကေအဲန်ယူ ဖာပွန်ခရိုင်အတွင်း ရွှေတူးဖော်ရေးလုပ်ငန်း သွားရောက်လုပ်ကိုင် ရာတွင်လည်း ‘ချစ်လင်းမြိုင်’ကုမ္ပဏီအမည်ဖြင့်ပင် လုပ်ကိုင်ခဲ့ပြီး ကေအဲန်ယူမှ ဗိုလ်မှူးချုပ်စောဘောကျော်ဟဲ ဦးဆောင်သည့် တပ်မဟာ(၅)တပ်ဖွဲ့ဝင်များ၏ တိုက်ခိုက်ခြင်းကို ခံခဲ့ရသည်။ ၎င်းနောက် ယခုနှစ် သြဂုတ်လမှစ၍ ရွှေတူးဖော်ရေးကို ပြန်လည် စတင် လုပ်ကိုင်ခဲ့ရာ ရာနှင့်ချီသည့် ဒေသခံ ရွာသားများ နေရပ်စွန့်ခွာခဲ့ရသည်ဟု သိရသည်။
ပြီးခဲ့သည့် သြဂုတ်လ ၂၀ရက်နေ့တွင် လှိုင်းဘွဲမြို့နယ်၊ မဲပလဲ့ကျေးရွာတွင် ကျင်းပပြုလုပ်ခဲ့သည့် ဒီကေဘီအေ တပ်မဟာ (၉၉၉)မှ နယ်ခြားစောင့်တပ် တပ်ဖွင့်ပွဲတွင် ဗိုလ်ချစ်သူသည် နယ်ခြားစောင့်အဖြစ် ပါဝင်ခြင်းမရှိဘဲ နဂို ဒီကေဘီအေ ပြောက် ကျားဝတ်စုံဖြင့်သာ အခမ်းအနားကို တက်ရောက်ခဲ့သည်။

စောချစ်သူ၏ ချစ်သူမြိုင်စံအိမ် (ဓါတ်ပုံ - KIC)
ဒီကေဘီအေ ခေါင်းဆောင်များထဲမှ နယ်ခြားစောင့်တပ်တွင် မပါဝင်ဘဲ အကြံပေးအရာရှိ ၇ဦးထဲ၌ ပါဝင်သူများမှာ (၁)စောသာ ထူးကျော်၊ (၂)စောကျော်သန်း၊ (၃)စောထွန်းလှိုင်၊ (၄)စောဖားနွီး၊ (၅)စောမောင်ကြည်၊ (၆)စောပြားပြားနှင့် (၇)စောချစ်သူတို့ ဖြစ်ကြောင်း သိရသည်။
စောချစ်သူသည် ပြီးခဲ့သည့် ၂၀၀၉ခုနှစ် ဇွန်လဆန်းပိုင်းတုန်းက ကေအဲန်ယူ တပ်မဟာ(၇)နယ်မြေကို ထိုးစစ်ဆင်သိမ်းပိုက်ခဲ့ ရာတွင် ကြီးကြပ်ဦးဆောင်သူတစ်ဦးဖြစ်ပြီး ၎င်းထိုးစစ်ဆင်မှုကြောင့် ဒီကေဘီအေ တပ်မှူးတပ်သား(၂၀၀)ကျော် ထိခိုက်သေ ဆုံးခဲ့သလို ပိုင်ကျုံနှင့် လှိုင်းဘွဲမြို့နယ်မှ ဒေသခံ ကရင်ပြည်သူ ၄,၀၀၀ကျော် ထိုင်းနိုင်ငံသို့ ၁နှစ်ကျော်ကြာ ထွက်ပြေးခိုလှုံခဲ့ရ သည်။
ပြီးခဲ့သည့် မတ်လ ၂၄ရက်နေ့က ဗိုလ်ချစ်သူသည် ၎င်း၏ ‘ချစ်သူမြိုင်’ စံအိမ်တော်ကြီးကို ငွေကျပ်သန်း ၁၀၀ကျော် အကုန်အ ကျခံကာ ဆောက်လုပ်ပြီးစီးခဲ့ပြီး အိမ်သစ်တက်မင်္ဂလာပွဲကို ပွဲလမ်းသဘင်များဖြင့် သုံးရက်တိုင်တိုင် စည်ကားသိုက်မြိုက်စွာ ကျင်းပခဲ့သည်။
ဒီကေဘီအေ တပ်ဖွဲ့တွင် ငွေကြေးဥစ္စာအပြင် လူအင်အား၊ လက်နက်အင်အား အတောင့်တင်းဆုံး ခေါင်းဆောင်တစ်ဦးအဖြစ် လူသိများခဲ့သူ ဗိုလ်မှူးကြီးစောချစ်သူသည် ကေအဲန်ယူတွင် တာဝန်ထမ်းဆောင်စဉ်က ကေအဲန်အယ်လ်အေ တပ်မဟာ(၇) ဗိုလ်မှူးချုပ်စောထင်မောင်၏ အထူးတပ်ဖွဲ့မှ တပ်ကြပ်ကြီးအဆင့်ရှိသူတစ်ဦး ဖြစ်သည်။

စောသိန်းမြင့် (ကေအိုင်စီ)

မြန်မာခြံလုပ်သားကို ထိုင်းခြံရှင် သေနတ်နှင့်ပစ်

ထိုင်းနိုင်ငံ မဲဆောက်မြို့ မယ်ပအရပ်ရှိ သခွားခြံ တခြံတွင် အလုပ်လုပ်နေသော မြန်မာ အလုပ်သမား တဦးမှာ လစာမရရှိသဖြင့် အလုပ်ထွက်မည် ဆိုသောကြောင့် အလုပ်ရှင်က သေနတ်ဖြင့် ပစ်ခတ်ရာ ဒဏ်ရာရရှိပြီး ဆေးရုံတင်ထားရကြောင်း သတင်း ရရှိသည်။

သေနတ်နှင့် အပစ်ခံရသူမှာ ပဲခူးတိုင်း ကျောက်ကြီးမြို့နယ်မှ အသက် ၄၀ အရွယ်ရှိ ဦးအနိုင်ဖြစ်ကြောင်းသိရသည်။

ဦးအနိုင်သည် မယ်ပအရပ်ရှိ သခွား ခြံပိုင်ရှင် ခွန်ဇွန်းပွန်းထံတွင် အလုပ်လုပ်လာသည်မှာ တနှစ်ခန့်ရှိပြီဖြစ်ကြောင်း၊ ၎င်း အလုပ်စ၀င်စဉ်က လစဉ် လုပ်ခလစာ တလ ဘတ် ၁၅၀၀ (ကျပ် ၄၅၀၀၀ ခန့်) နှင့် နေစရာ စားစရာပေးမည်ဟု ဆိုသဖြင့် အလုပ် ၀င်လုပ်ခဲ့ကြောင်း သို့ရာတွင် လုပ်ခလစာကို ရှင်းမပေးဘဲ စားစရာများကိုသာ ပေးခဲ့ကြောင်း ပြောပြသည်။

“အစက လစာ မှန်မှန်ရမယ်ဆိုလို့ ၀င်လုပ်တာဗျာ။ ဟိုလပေးနိုး၊ ဒီလပေးနိုးနဲ့ တနှစ်သာကြာသွားတယ်။ လစာရယ်လို့မရဘူး။ လိုတာရှိရင်ပြောဆိုပြီး သုံးဖို့စွဲဖို့လောက်တော့ ပေးတာပေါ့” ဟု ဦးအနိုင်က ဆိုသည်။

ဦးအနိုင်မှာ တနှစ်ကြာသည်အထိ လစာ မရသောကြောင့် သူဌေးဖြစ်သူအား ယမန်နေ့ နံနက်ပိုင်းက အလုပ်ထွက်မည်ဟု ပြောရာ သူဌေးက ၎င်း ရစရာရှိသည်များကို ရှင်းပေးပြီး ဘတ် (အလုပ်သမားလက်မှတ်) ကိုမူ ညနေပိုင်းတွင် လာယူခိုင်းသည်ဟု ပြောပြသည်။

“ညနေ သွားယူတော့ လက်မှတ်ပေးပြီး လှည့်အထွက်မှာ သူဌေးက သေနတ်နဲ့ ပစ်တော့တာပဲ။ ကျနော်လည်း အသက်လု ပြေးခဲ့ရတယ်” ဟု ပြောသည်။

ဦးအနိုင်သည် သေနတ် ဒဏ်ရာများဖြင့် ထွက်ပြေးလာပြီး ထိုင်းနိုင်ငံအခြေစိုက် ကရင်လူငယ်အစည်းအရုံး (KYO) သို့ ရောက်ရှိလာကာ အကူအညီတောင်းခံသဖြင့် အဆိုပါ အဖွဲ့မှ တာဝန်ရှိသူ များက ရဲစခန်းသို့ အကြောင်းကြားထားပြီး ရဲက စစ်ချက်ယူ၍ မဲဆောက် ပြည်သူ့ဆေးရုံကြီးတွင် ဆေးရုံ တင်ပေးထားကြောင်း KYO မှ တာဝန်ရှိသူတဦးက ဧရာဝတီသို့ ပြောသည်။

“သူ့ပေါင် ၂ ဘက်လုံးမှာ ကျည်ထိထားသလို လက်မှာလည်း ထိလာတယ်။ သူ့မှာ ဘတ် လည်းရှိတော့ ကျနော်တို့ ရဲကို အကြောင်းကြားတယ်။ ရဲက လျော်ကြေးရအောင် ညှိပေးမယ်လို့တော့ ကျနော်တို့ကို ပြောတယ်။ တကယ်လုပ်ပေး မပေးတော့ မသိဘူး။ မနက်ကတော့ သူ့ကို ကျနော်တို့ ထူပေး မ ပေးမှ လမ်းသွားလို့ ရတယ်။ အခုတော့ ဆေးရုံတင်ထား ပေးတယ်” ဟု KYO ဥက္ကဌ ကိုစောမူရှေးက ပြောသည်။

ထိုင်းခြံရှင်၏ ပစ်ခတ်မှုကြောင့် ဦးအနိုင်၏ ဘယ်ဘက်ပေါင်နှင့် ညာဘက်လက်တို့ကို ထိမှန်ကာ ဒဏ်ရာများ ရရှိခဲ့သည်။

“ဒီလိုဖြစ်ရပ်မျိုးတွေကတော့ မဲဆောက်မှာ ခဏခဏ ဖြစ်လေ့ဖြစ်ထရှိတဲ့ ဟာမျိုး ဖြစ်နေတယ်။ အဓိက ပြဿနာက ထိုင်းနိုင်ငံမှာ လာအလုပ်လုပ်နေတဲ့၊ အထူးသဖြင့် မဲဆောက်မှာ လာအလုပ်လုပ်နေတဲ့ အလုပ်သမားတွေ အပေါ်မှာ မိခင်နိုင်ငံ အစိုးရက အကာအကွယ်မပေးဘူး ဆိုတာကို အလုပ်ရှင်တွေက သိတယ်လေ။ တခုခုဖြစ်လာရင် သူတို့ စိတ်ထင်တိုင်း လုပ်လို့ရတယ်။ ဒီလိုလုပ်လိုက်လို့လည်း မြန်မာအစိုးရက ဘာမှ အကာအကွယ်မပေးဘူးဆိုတာ သိနေတဲ့အတွက် လုပ်ငန်းရှင်တွေက လက်ရဲဇက်ရဲ ကျူးလွန်ရဲတယ်လို့ ကျနော်တို့ မြင်တယ်” ဟု ထိုင်းနိုင်ငံရှိ မြန်မာအလုပ်သမား အရေးကိစ္စ များကို ဆောင်ရွက်ပေးနေသည့် ရောင်ခြည်ဦး အလုပ်သမားအဖွဲ့ ခေါင်းဆောင် ကိုမိုးဆွေက ပြောသည်။ 

ယခုအမှုကို ထိုင်းရှေ့နေများအဖွဲ့  Labor Law Clinic (L.L.C) နှင့် KYO တို့က ပူးပေါင်းကာ တရားဥပဒေအရ အရေးယူပေး ရေးအတွက် တရားရုံးသို့ တိုင်တန်းရန် စီစဉ်နေသည်ဟု ကိုစောမူရှေးက ပြောသည်။

မဲဆောက်တွင် မြန်မာရွှေ့ပြောင်း အလုပ်သမား တသိန်းခွဲခန့် ရှိပြီး အလုပ်သမားလက်မှတ် ပြုလုပ်ထားသူများမှာ လေးသောင်းခန့်သာရှိကြောင်းနှင့် ထိုင်းတနိုင်ငံလုံးတွင် မြန်မာရွှေ့ပြောင်း အလုပ်သမား ၂ သန်းခွဲနှင့် အထက်ရှိကြောင်း ရောင်ခြည်ဦး အလုပ်သမားအဖွဲ့၏ ပြောဆိုချက်အရ သိရသည်။

ဘစောတင်

Sunday, September 5, 2010

မြန်မာဒုက္ခသည်များအကြောင်း မှတ်တမ်းစာအုပ် ထုတ်ဝေ

ထိုင်း-မြန်မာ နယ်စပ်ရှိ မြန်မာ ဒုက္ခသည်စခန်း ကိုးခုမှ ဒုက္ခသည်များ၏ ဆယ်စုနှစ် နှစ်ခုကျော်ကြာ ခက်ခဲကြမ်းတမ်း စွာ ဖြတ်သန်းခဲ့ရသော ရုန်းကန်ရမှုများကို စုစည်းဖော်ပြထားသည့် စာအုပ် ထုတ်ဝေလိုက်ကြောင်း သိရသည်။

001frontpage
TBBC ၏ ၂၅ နှစ်မြောက် နှစ်ပတ်လည်အဖြစ် ထုတ်ဝေသော စာအုပ်တွင် ဒုက္ခသည်စခန်း ကိုးခုမှ မြန်မာဒုက္ခသည်များ၏ ဘဝကို ထင်ဟပ် ဖော်ပြထားသည်။ (ပုံ - FCCT)
မြန်မာပြည်မှ ဒုက္ခသည်များ ဖြန်သန်းခဲ့ရသည့် ၁၅ နှစ်ကျော်ကြာ သို့မဟုတ် ညပေါင်း ကိုးထောင်ကျော်အကြောင်းကို “ညပေါင်း ကိုးထောင် - မြန်မာပြည်မှ ဒုက္ခသည်များ - လူသားတို့၏ ဘဝအပိုင်းအစများ မှတ်တမ်း” (Nine Thousand Nights – Refugees from Burma: A People's Scrapbook) စာအုပ်ကို ထိုင်း-မြန်မာ နယ်စပ်တလျှောက် ကူညီစောင့်ရှောက်ရေး ညွန့်ပေါင်းအဖွဲ့ (TBBC) ၏ ၂၅ နှစ်မြောက် နှစ်ပတ်လည် အထိမ်းအမှတ်အဖြစ် ထုတ်ဝေလိုက်ခြင်း ဖြစ်သည်။

ဒုက္ခသည်စခန်းများ၏ အခြေအနေကို ဖော်ပြသော ဓာတ်ပုံများ၊ ကရင်၊ ရှမ်း၊ ကရင်နီနှင့် မွန်ဒုက္ခသည်များ၏ အတွေ့ အကြုံများကို ဖော်ပြထားသည့် ထိုစာအုပ် ဖြန့်ချိမှုနှင့် သတင်းစာရှင်းလင်းပွဲကို ဘန်ကောက်မြို့ရှိ နိုင်ငံခြား သတင်းထောက်များ ကလပ်(FCCT) တွင် စက်တင်ဘာ ၂ ရက်နေ့က ပြုလုပ်ခဲ့သည်။

ထိုစာအုပ်တွင် ပါဝင်ရေးသားခဲ့သူ ကယန်း အမျိုးသမီး မအန်နာဘယ်လီ မူဘီး က“ကျမတို့ ကယန်း လည်ပင်းရှည် (ပဒေါင်) တွေဟာ စခန်းထဲမှာလည်း မနေရဘူး။ ထိုင်းနယ်စပ်မှာ သီးသန့်ရွာ သုံးလေးရွာ ရှိတယ်။ နိုင်ငံခြားသားကို ဆွဲဆောင်တဲ့ဘ၀နဲ့  ရှင်သန်နေကြသလားလို့ သမိုင်းကို ကျမလေ့လာကြည့်တော့ မဟုတ်ဘူး။ ကျမတို့ ဒီကို လာတာက ဘ၀လုံခြုံမှုရဖို့ အတွက်လာတာ။ ဒုက္ခသည်စခန်းမှာ မနေရဘဲ ဘာလို့ သီးသန့် ဖြစ်နေသလဲ။ အဲဒီမေးခွန်းပေါ်လာတယ်။ ဒါကြောင့်မို့လို့ ဒီ ညပေါင်းကိုးထောင်ဆိုတဲ့ စာအုပ်မှာ ဒါကို အဓိက ထားပြီး ရေးထားတာဖြစ်တယ်”ဟု ဧရာဝတီ သို့ ပြောသည်။

အသက် ၇ နှစ် အရွယ်ကတည်းက ဒုက္ခသည်စခန်းသို့ ရောက်လာခဲ့သည့် မူဘီးသည် ယခုအခါ International Rescue Committee မှ Gender based Violence Manager အဖြစ် တာဝန်ယူထားသူ ဖြစ်သည်။

မြန်မာပြည် ထိုင်းနယ်စပ်ဒေသသို့ ထွက်ပြေးလာသူများတွင် ကရင်နီ မျိုးနွယ်စုထဲမှ လည်ပင်း ကြေးကွင်းပတ်သည့် ကယန်း လူမျိုးများလည်း ပါဝင်သည်။ ကြေးကွင်းပတ် ကယန်းများကို ဒုက္ခသည်စခန်းတွင်မထားဘဲ သီးခြားရွာတည်ကာ ကမ္ဘာလှည့်ခရီးသွားများကို ဝင်ကြေးပေး ကြည့်ရှုစေသည့် ထိုင်းစီးပွားရေးသမားများ၏ လုပ်ရပ်ကို မူဘီးက  ထောက်ပြ ဝေဖန်သွားခြင်း ဖြစ်သည်။ 

ဒုက္ခသည် စခန်းသို့ ရောက်ရှိလာသည့် မြန်မာပြည်မှ တိုင်းရင်းသားများအကြောင်း၊ ဒီမိုကရေစီရေးအတွက် တိုက်ပွဲဝင် ခဲ့ကြသည့် ကျောင်းသားများနှင့် နိုင်ငံရေးလှုပ်ရှားသူများ ရောက်လာပုံ၊ ဒုက္ခသည်စခန်းများ တိုက်ခိုက်ခံရပုံနှင့် တိုင်းရင်းသားများ၏ ဆုံးရှုံးနစ်နာချက်များ စသည်တို့ကို ဓာတ်ပုံ အထောက်အထားများဖြင့် ဖော်ပြထားသည်။

မူဘီးက“ဒုက္ခသည်တယောက် ဖြစ်လာရပြီဆိုမှဖြင့် ကိုယ်ချစ်ခင်မြတ်နိုးတဲ့ အရာအားလုံးကို စွန့်လွှတ် ဆုံးရှုံးရတော့ တာပါပဲ။ ဒါကြောင့် ကျမ ကိုယ်တတ်နိုင်တဲ့ဘက်က ဒုက္ခသည်တွေကို ကူညီဖို့ အမြဲ ကြိုးစားတယ်။ မြန်မာပြည် အရေး ကိုလည်း ကိုယ်က ဘယ်လို ပံ့ပိုးပေးနိုင်မလဲဆိုတာ ကျမအမြဲတမ်း ထည့်စဉ်းစားမိတယ်။ လက်လှမ်းမီသလောက် တော့ တတ်နိုင်သလောက် ကျမလုပ်တယ်”ဟု ပြောပြသည်။

မယ်ဟောင်ဆောင် အခြေစိုက် ကန္တာရ၀တီတိုင်းမ် သတင်းဌာနမှ အယ်ဒီတာ ဒေလီထက်က “မယ်ဟောင်ဆောင်က ဒုက္ခသည်စခန်းကနေ အနောက်ဘက်ကိုသွားရင် မြန်မာစစ်တပ်တွေ ကြီးစိုးတဲ့နေရာကိုရောက်မယ်။ အရှေ့ဘက်ကို
သွားရင် ထိုင်းတွေနေတဲ့ နေရာကို ရောက်မှာပေါ့။ အဲဒီတော့ ဟိုဘက်သွားရင်လည်း မိုင်းနင်းမိမှာကို ကြောက်ရတယ်။ ဒီဘက်လာပြန်ရင်လည်း ထိုင်းရဲက ဖမ်းတာဆီးတာကို ခံရတာတွေ ရှိတယ်။ ဒီဒုက္ခသည်တွေက သွားစရာ လာစရာ နေရာက အရမ်းကျဉ်းတယ်လေ။ ဒါကြောင့် တချို့တွေဟာ စာရိတ္တပိုင်း အားနည်းတာမျိုးရှိသလို တချို့လည်း စိတ်ဖိစီးမှုကို မခံနိုင်လို့ ကိုယ့်ကိုယ်ကိုယ် သတ်သေတာမျိုး အထိ ရှိဖူးတယ်”ဟု ဆိုသည်။

၁၉၈၃ မှ စတင်၍ စစ်အစိုးရတပ်များ၏ ထိုးစစ်ဆင်မှုကြောင့် ထိုင်းနိုင်ငံသို့ ယနေ့အထိ ထွက်ပြေး လာကြသူများရှိနေ ကြောင်း၊ ထိုင်း-မြန်မာနယ်စပ်ရှိ ဒုက္ခသည် စခန်း ၉ ခုတွင် ဒုက္ခသည်ပေါင်း တသိန်း ခြောက် သောင်း ခန့်ရှိကြောင်း ဒုက္ခသည်များ ကူညီထောက်ပံ့ရေး အဖွဲ့အစည်းများ၏ မှတ်တမ်းများအရ သိရသည်။

နိုဝင်ဘာတွင် ကျင်းပမည့် ရွေးကောက်ပွဲ ပြီးပါက ဒုက္ခသည်များကို မြန်မာပြည်သို့ ပြန်ပို့နိုင်ရန် မျှော်လင့်ထားကြောင်း ထိုင်းအာဏာပိုင်များက ပြီးခဲ့သည့် ဧပြီလတွင် ထုတ်ဖော်ပြောဆိုခဲ့သည်။



ဘစောတင်

မဲဆောက်တွင် အဖမ်းအဆီးကြမ်း၊ အလုပ်သမား ထောင်နှင့်ချီ ဖမ်းဆီးခံရ

မဲဆောက်တွင် အဖမ်းအဆီးကြမ်း၊ အလုပ်သမား ထောင်နှင့်ချီ ဖမ်းဆီးခံရ

ထိုင်းနိုင်ငံ မဲဆောက်မြို့တွင် နေထိုင် လုပ်ကိုင်နေသော အလုပ်သမားများကို အာဏာပိုင်များက ယမန်နေ့မှ စတင်ကာ ဖမ်းဆီးမှုများ ပြုလုပ်နေသည့် အတွက် မြန်မာအလုပ်သမား ထောင်နှင့်ချီ ဖမ်းဆီးခံရပြီး ထောင်နှင့်ချီ၍ ရှောင်တိမ်း ပုန်းအောင်းနေ ကြရကြောင်း သတင်း ရရှိသည်။

Mae-Sot-Workers
မြန်မာ အလုပ်သမားများ အဖမ်းအဆီး ခံရမည်ကို စိုးရိမ်၍ ဤကဲ့သို့ ရှောင်တိမ်းနေကြရ (ဓာတ်ပုံ - ဧရာဝတီ)
ယမန်နေ့က မဲဆောက် မြို့ပြင်ရှိ စက်ရုံများကို စတင်ဝင်ဖမ်းရာ အလုပ်သမားများက ကြိုတင်ထွက်ပြေးတိမ်းရှောင်၍ နီးစပ်ရာ ဘုန်းကြီးကျောင်းများနှင့် တောထဲတောင်ထဲတွင် ပုန်းအောင်းနေခဲ့ကြရသည်ဟု ရောင်ခြည်ဦး အလုပ်သမား အဖွဲ့တာဝန်ခံ ကိုမိုးဆွေက ပြောပြသည်။

ယင်းသို့ ပုန်းအောင်းနေစဉ် ဖာဒေးရွာ ဘုန်းကြီးကျောင်းအတွင်းမှ အလုပ်သမား ငါးရာ ကျော် အဖမ်းခံခဲ့ရပြီး ကျောင်း ထိုင် ဘုန်းကြီးကိုပါ ထိုင်း အာဏာပိုင်များက တရားရုံးသို့ ဆင့်ခေါ်ထားကြောင်း သိရသည်။


“ဖမ်းတာကတော့ တအားကို ဖမ်းနေတယ်။ စာရင်းအတိအကျ ကျနော်တို့ မပြောနိုင်သေးဘူး။ ထောင်နဲ့ချီပြီး အဖမ်းခံ ထားရတာကိုတော့ ပြောနိုင်ပါတယ်။ အခုလို ဖမ်းတာဟာ ဇွန်လ ၂ ရက်နေ့က ထိုင်းဝန်ကြီးချုပ်က ဖမ်းဆီးဖို့ လက် မှတ် ထိုး ထုတ်ပြန်ထားတဲ့ အစီအစဉ်ကြောင့်ဖြစ်မှာပါ။ သူက အောက်တိုဘာလ မတိုင်မီမှာ ဖမ်းပြီး ပြန်ပို့မယ်ဆိုပြီး အမိန့် ထုတ်ထားတာ ရှိတယ်”ဟု ကိုမိုးဆွေက ပြောသည်။

ထိုင်းနိုင်ငံသို့ နည်းမျိုးစုံဖြင့် တရားမ၀င် လာရောက် လုပ်ကိုင်နေသော ရွှေ့ပြောင်း အလုပ်သမား အရေးနှင့် ပတ်သက် ၍ “နှိမ်နင်းရေး၊ ဖမ်းဆီးရေးနှင့် တရားစွဲဆိုရေး အထူးဌာန” ဖွင့်လှစ်ရန် ညွှန်ကြားချက်ကို ထိုင်းဝန်ကြီးချုပ် အဖိဆစ်  ဝေ့ချာချီဝက ပြီးခဲ့သည့် ဇွန်လ ၂ ရက်နေ့တွင် လက်မှတ်ထိုး ထုတ်ပြန်ထားခြင်း ဖြစ်သည်။

မဲဆောက်တွင် ယခုတကြိမ် ဖမ်းဆီးခြင်းမှာ အလွန်ဆိုးရွားကြောင်း တိမ်းရှောင်နေရသူ မြန်မာ အလုပ်သမား ကိုကျော်သူ က ပြောသည်။

“အခုဖမ်းတာက ရဲရော တော်မော(လ၀က)ရော နယ်ခြားစောင့်ရဲနဲ့ စစ်သားတွေပါ ပါတယ်။ ဒီ ဘုန်းကြီးကျောင်းထဲကို အလုပ်သမားတွေ ၀င်နေတယ်ဆိုရင် အဲဒီကျောင်းကို ၀ိုင်းလိုက်ကြတာပဲ။ တွေ့ တဲ့လူကို ဆွဲတာပဲ။ ၂၀၀၈ တုန်းက မြန်မာပြည်ကို နာဂစ် ၀င်သလို အခု မဲဆောက်မှာ အဖိဆစ် နာဂစ်မွှေတယ်လို့ ပြောရမလိုဘဲ”ဟု ၎င်းက ဆိုသည်။

မဲဆောက်မြို့နယ် မြစ်ကမ်းနဖူးရှိ စက်ရုံများမှ အလုပ်သမားများမှာ စက်တင်ဘာလ ၂ ရက်နေ့ကပင် မြန်မာနိုင်ငံ မြ၀တီ မြို့ဘက်ကမ်းသို့ ကူးကာ တိမ်းရှောင်နေကြကြောင်း သိရသည်။

“မနေ့က ညနေ ၃ နာရီလောက်မှာ စက်ရုံ အလုပ်ရုံ အသီးသီးက အလုပ်ရှင်တွေက အလုပ်သမားတွေကို ၃ ရက် လောက် ရှောင်နေဖို့ ပြောတယ်။ ဒါကြောင့် မနေ့ညနေကတည်းက မြ၀တီဘက်ကမ်းကို ကူးနေကြတာတွေ ရှိတယ်။ ကျနော်တို့ သိရသလောက် မြ၀တီဘက်ကို ကူးသွားတာ သုံးထောင်ကျော် လေးထောင်လောက် ရှိတယ်”ဟု  မြန်မာ အလုပ်သမား ကွန်ယက်(Burmese Workers’ Network) မှ တာဝန်ခံ ကိုစိုးက ပြောသည်။ 

မြ၀တီဘက်ကမ်းရှိ ဘုန်းကြီးကျောင်းများတွင် မဲဆောက်မှ ထွက်ပြေး တိမ်းရှောင်လာကြသော အလုပ်သမားများဖြင့် ပြည့်နေကြောင်းလည်း သိရသည်။

မဲဆောက်ရှိ ဘုန်းကျောင်းတကျောင်းတွင် ပုန်းအောင်းနေကြသည့် အလုပ်သမားများကို ကိုယ်တိုင်တွေ့မြင်ခဲ့ရ၍ စိတ် မကောင်း ဖြစ်ရသည်ဟု သီးလေးသီးအငြိမ့်အဖွဲ့ မှလူရွှင်တော် ပန်းသီးက ပြောဆိုသည်။

“မနေ့က ကျနော်တို့ ကျောင်းကြီးထဲကို ဗီဒီယို ရိုက်စရာရှိလို့ ၀င်သွားတာဗျာ ပုန်းနေကြတဲ့ အလုပ်သမားတွေ မနည်း ဘူးဗျ။ အနည်းဆုံး တရာ နှစ်ရာ လောက်ရှိမယ်။ ရဲက ကျောင်းဝင်းကို ၀ိုင်းထားတာတွေ့ တော့  အလုပ်သမားတွေ အတွက် တော်တော် စိတ်မကောင်းဖြစ်ရတယ်။ အခုဟာက မဲဆောက်မှာ ခလုပ်တိုက်မိရင် ရဲ။ ပြောင်ပြောင်မြင်ရင် ရဲပဲဗျို့”ဟု ဆိုသည်။

အလားတူ တောထဲသို့ထွက်ပြေးတိမ်းရှောင်နေစဉ် ရဲက ၀ိုင်းမိ၍ ယမန်နေ့က အလုပ်သမား လေးဆယ်ကျော် ဖမ်းဆီး ခံထားရကြောင်း၊ တိမ်းရှောင်နေရသူများထဲတွင် အမျိုးသမီး အများစုပါဝင်၍ စိုးရိမ်ဖွယ်ရာအခြေအနေရှိကြောင်း ယင်း အလုပ်သမားများကို အကူအညီပေးနေသော အဝေးရောက် ဧရာဝတီ လူမှုရေး အသင်း ဥက္ကဌ ကိုသောင်းလှိုင်က ပြော သည်။

“ဖာထစ်ဆိုတဲ့ နေရာမှာ ၄၂ ယောက် အဖမ်းခံသွားရတယ်လို့ အခုပဲသတင်းရပါတယ်။ ကျနော်တို့က အဲသလို ပြေးနေ တဲ့ သူတွေကို လိုက်လံကူညီစောင့်ရှောက်ဖို့  ကြိုးစားနေတာပါ။ ပြေးနေတဲ့သူတွေထဲမှာ မိန်းကလေး ၇၅ ရာခိုင်နှုန်း လောက်ရှိတယ်။ ပြီးတော့ အခုက တုပ်ကွေးကလည်း အရမ်းဖြစ်နေကြတယ်။ မိုးကလည်း ရွာနေတယ်ဆိုတော့ ကျန်းမာရေး အတွက်လည်း စိုးရိမ်ရတယ်။ နောက်ပြီး ပုလိပ်ရန်ကတဘက် မိုးချုပ်လာရင် လမ်းသရဲ ရန်ကလည်း ကြောက်ရသေးတယ်”ဟု ၎င်းက ပြောဆိုသည်။

ယနေ့မှစ၍ စက်တင်ဘာလ ၅ ရက်နေ့အထိ အလုပ်သမား လက်မှတ်မရှိသူများဖြင့် လည်ပတ်နေသော အလုပ်ရုံများ ပိတ်ထားရသည်ဟုလည်း ၎င်းကဆိုသည်။

ထိုင်းနိုင်ငံတွင် မြန်မာ ရွှေ့ပြောင်း အလုပ်သမား ၂ သန်းခွဲမှ ၄ သန်းအထိ ရှိမည်ဟု အလုပ်သမားရေးရာ အဖွဲ့များက ခန့်မှန်းထားကြပြီး ယင်းတို့အနက် အလုပ်သမား ၁ သန်း ၃ သိန်းခန့်သာ ယာယီ နိုင်ငံကူး လက်မှတ် ပြုလုပ်ရန် လျှောက်ထားကြောင်း သိရသည်။